Нағымов Нығмет 1928 жылы Казталов ауданы Мереке ауылында дүниеге келіп 1984 жылы қайтыс болған. Белгілі суырыпсалма айтыскер ақын, айтыс өнерінің от ауызды қайталанбас жарық жұлдызы. Казталов ауданының Тереңкөл кеңшарында кадр бөлімінің инспекторы, ауданның «Коммунизм жолы» газетінде тілші қызметін жауапкершілікпен атқарған. 1958 жылы 12 рет айтысқа қатысып, азулы Ғ.Көшенов, С.Қалиев, К.Балабаев, Ғ.Дүйсенов, С.Мұқанов секілді серке ақындармен айтысып жеңіске жеткен. Жары Үміт мұғалім, төрт қыз бен бір ұл тәрбиелеген.

Қабиева Баян Құбайқызы 1954 жылдың 14 қыркүйегінде Қарасу ауылында дүниеге келген.Кішкентайынан әнші,актриса болуды армандайды.1971 жылы Фурманов орта мектебін бітіріп,арман жетегімен Алматы қаласына барады . Содан эстрадалық студиясының Ғ.Құрманғалиев класында оқып дәріс алған. Ол кезде Жүсіпбек пен Ғ.Құрманғалиев екеуіде студияда жұмыс жасаған. Сол кездегі жас өнерпаз Баянға ұстаздары Жүсіпбек Арқаның,ал Ғарекең Батыстың әндерін орындауды үйреткен.Сөйтіп,таңдаған оқу орнын тәмәмда- ған ол алғаш еңбек жолын Жас ауылында 1975 жылы ашылған сегізжылдық мектептен бастаған.

Мұштанова Дариға Ғазизқызы 1954 жылы 13 наурызда Орал қаласында дүниеге келген. 1977 жылы Батыс Қазақстан облысы, Орал мемлекеттік педагогикалық институтының филология факультетін қазақ тілі мен әдебиеті пәні бойынша бітіріп, жоғары білім алып шыққан соң, бұрынғы Жалпақтал, қазіргі Казталов ауданының Көктерек орта мектебінде аға пионер-вожатыйы, мұғалім болып еңбек жолын бастады.

Досқалиев Мектеп - белгілі айтыс ақыны Батыс Қазақстан облысының, Жалпақтал ауданы, Балықшы ауылында 1920 жылы дүниеге келген. 1939 жылы Казталов аулының Алма Оразбаева атындағы орта мектебін мақтау қағазымен бітірген. Мектеп Досқалиев мектепте оқып жүрген кезден бастап өлең жазумен шұғылданған. Аудандық, облыстық ақындар айтысының жүлдегері. Өлеңдері аудандық, облыстық газет беттерінде жарияланып отырылған.