Рахматуллин Ұзақбай Құмаұлы- 1943-ші жылы Батыс Қазақстан облысы, Жаңақала ауданы, Көкәт ауылдық кеңесінде қарапайым отбасында өмір есігін ашқан. 1963-ші жылы Жаңақазан ауылындағы С. М. Киров атындағы орта жалпы білім беретін мектебін аяқтаған. 1963-67 жылдары А. С. Пушкин атындағы Орал педагогикалық институтын тәмамдап, "Қазақ тілімен әдебиеті пәнінің мұғалімі мамандығы бойынша жоғары кәсіби білім алған. Еңбек жолын 1967-ші жылы Фурманов ауданы, Қараөзен сегіз жылдық мектебінің мұғалімі болудан бастады.

Ахметқалиев Тасқали Ахметқалиұлы

1927 жылы Жалпақтал ауданы Төртпішен ауыл совтінде дүниеге келген.Жұлдыз 7 кластық мектепте  2 жылдық білім алған. 14 жастан еңбекке араласты.Яғни 1942 жылы 1 мамырда Пятимар ауылындағы жылқы заводында жұмыс істеген.Содан 1952 жылы 8 табында бригадир болып жұмыс істеген.1955 жылы Керейге ауысты. 1962 жылдың күзінде «Кіндік бидайық» деген жерде жылқы баққан.1962 жылы 8 қыркүйекте отбасылық жағдайына байланысты Жұлдыз ауылына көшіп келген.1968 жылға дейін жылқы бақты.1968 жылдан 1984 жылға дейін рабкоопта дайындаушы болып жұмыс істеді.1987 жылы зейнеткерлік демалысқа шықты.

Жазбаев Темірғали Тілепбергенұлы (1938 - 2004) Фурманов ауданы, Талдықұдық ауылдық кеңесіне қарасты Таскүтір ауылында дүниеге келген. 1960 жылы А.С.Пушкин атындағы Орал педагогикалық институтының тарих және филология факультетін, кейін 1971 жылы Алматы жоғары партия мектебінің журналистика бөлімін бітірген.

Сариева  Ұлдай– ақын, 1958  жылы  Жалпақтал  ауылы, Талдықұдық елді мекенінде  дүниеге  келген.1975  жылы  Талдықұдық  орта  мектебін  бітіргеннен  кейін  аудандық  газетінің  тілшісі  болды. Оның  сыршыл  өлеңдері  республикалық  мерзімді  басылымдарда, облыстық  және  аудандық  газеттерде 80- жылдардан  жариялана  бастады. Сариеваның  өлеңіне  жазылған (әні Д.Қажымовтікі) «Біз  екеуміз» әні  Жайық  өңірі   жастарының  сүйікті  әуеніне  айналды.